ငါး ပါး သီ လ လူ့ အ လှ
...................................
. ဒါန၊ သီလ၊ သမထ၊ ဘာဝနာ ဟူသော ဗုဒ္ဓဘာသာဝင် တို့၏ ကျင့်စဉ်ကြီး(၄)ရပ်တွင် "သီလ"သည် အခြေခံ ကျင့်ဝတ် ဖြစ်ပါပေ၏။
. သီလ ဟူသော အခြေခံကျင့်စဉ်အပေါ် မူတည်ပြီးမှသာ သမာဓိကျင့်စဉ်၊ ပညာကျင့်စဉ်များကို ထူထောင်၍ ရနိုင်မည် ဖြစ်ပါသည်။
. သီလနှင့်ပတ်သက်၍ တိပိဋကဓရ ယောဆရာတော်ကြီး ၏ မှတ်သားနာယူဖွယ် အလွန်ကောင်းလှသော မိန့်တော်မူချက်ကို ပြန်လည်မျှဝေ ကုသိုလ်ပြုလိုပါ၏~
" ကိုယ်နဲ့ နှုတ်ကို လမ်းမချော်အောင် စည်းကမ်းဘောင် အတွင်းမှာ ကောင်းကောင်းမွန်မွန် ထိန်းသိမ်းတာကို သီလ လို့ ခေါ်ပါတယ်။ တစ်နည်းပြောရလျှင် အပြော၊ အလုပ်၊ အသက်မွေးမှု အပြစ်ကင်းစင် မှန်ကန်ခြင်းကို သီလ လို့ ခေါ်ပါတယ်။ လူနဲ့တူအောင်၊ လူအစစ်ဖြစ်အောင် စည်းကမ်း ထိန်းသိမ်းခြင်းပါပဲ။
အရှက်၊ အကြောက် နှစ်ပါးရှိမှ သီလ လုံခြုံတယ်။ သီလဆိုတာ ရောဂါ အမျိုးမျိုးတွေနဲ့ ဆက်ဆံ နေတဲ့ အနှစ်မဲ့ ခန္ဓာကိုယ်ထဲက အနှစ်ထုတ်ယူနေခြင်းလည်း ဖြစ်တယ်။ လူ့ဘဝ၏ အလှတန်ဆာ ဖြစ်၍ သံသရာခရီး မှာ ကောင်းရာရောက်ရန် လျှောက်လှမ်းမည့် အမာခံလမ်းကြောင်း လည်း ဖြစ်တယ်။
ကိုယ်ကျင့်သီလဟာ စွမ်းအားနဲ့ ဆောက်တည်ရာကိုလည်း ပေးတယ်။ ဘဝတစ်ခုမှ တစ်ခုသို့ ကူးတိုင်း အပါယ် ချောက်ကမ်းပါးထဲ မကျအောင်၊ အောက်ကျ နောက်ကျ မဖြစ်ရအောင် တံတားသဖွယ် ခိုင်မာစွာ ခင်းပေးတတ်တယ်။
လူကို အပြစ်ကင်းစင်စေ၍ စိတ်ကိုကြည်လင် ကျေနပ် ဝမ်းမြောက်စေတယ်။ အထက်တန်းကျ မွန်မြတ်တဲ့ အပြစ်ကင်းမှု ချမ်းသာကို အရယူနေခြင်းလည်း ဖြစ်တယ်။ ဒီလို အကျိုးကြီးစေတဲ့ စွမ်းအားဖြစ်ပြီး သမာဓိ၊ ပညာ၊ သိက္ခာ သို့ တက်ရန် လှေကားသဖွယ်လည်း ဖြစ်တယ်။ "
. အလွန် မွန်မြတ်လှသော သြဝါဒ မိန့်မှာတော်မူချက် ဖြစ်၍ ကျွန်ုပ်၏ နှလုံးသားတို့အား ငြိမ်းချမ်း အေးမြစေသဖြင့် မိတ်ဆွေတို့အား ထပ်တူထပ်မျှ ကုသိုလ်ရစေရန် အလို့ငှါ မှတ်သား ကူးယူ ဖော်ပြ မျှဝေရခြင်းလည်း ဖြစ်ပါသည်။
. ဓမ္မစကား မှတ်သားနာယူရုံမျှသာမကဘဲ ကိုယ်တိုင် သီလ ကျင့်ကြံ စောင့်ထိန်း ဆောက်တည်ပါက ခဏမျှ ဘဝတာကို အေးချမ်းရွှင်ကြည်စေမည် ဖြစ်ကာ သမာဓိ၊ ပညာ စခန်းများ သို့ ဆက်လက် လှမ်းတက်၍ သံသရာရိက္ခာ ယူသွားနိုင်မည်သာ ဖြစ်ပါကြောင်း။
. နှ လုံး စိတ် ဝမ်း အေး ချမ်း နိုင် ကြ ပါ စေ ။
လွှမ်းမိုးအောင်
