ဘ ဝ ၏ အ ဓိ ပ္ပါ ယ် ရှာ ကြ ည့် ရာ ဝ ယ် ...
. . . . . . . . . . . . . . . . .
* ဘဝသည် သမုဒ္ဒရာ ရေပြင်ကဲ့သို့ အပြောကျယ်၍ နက်ရှိုင်း သော သဘောရှိ၏။
* သောင်ကမ်းမမြင်၊ အနက်မထင်၊ လောကီသညာ ဟူသော တိမ်သလ္လာကို မဖောက်ထွင်းနိုင်ဘဲလျက် လောကီ အမြင် သက်သက်မျှဖြင့် ဘဝ၏ အဓိပ္ပါယ်ကို ဖော်ထုတ်ရန် ကြိုးစားပါလျှင် အနက်မှန်ကို ဖော်ထုတ်နိုင်မည် မဟုတ်ပေ။
* ဃရာဝါသ ကိစ္စများမြောင် လူတို့ဘောင်၌ ဆောင်ရွက် စရာ ကိစ္စများကား အတောမသတ် နိုင်လောက်အောင်ပင် များပြားလှပါပေ၏။
* စည်းစိမ်ဥစ္စာ၊ ရတနာရွှေငွေ နှင့် ရာထူးအာဏာတို့သည် ဘဝ၏ ပျော်ရွှင်ချမ်းသာမှုကို တကယ်တန္တု ပေးစွမ်းနိုင်ကြ ပါ၏လော။
* သူတကာတို့၏ ချီးမွမ်းစကား၊ ထင်ပေါ် ကျော်ကြားမှု တို့သည် ဘဝကို အမှန်ပင် တင့်တယ်စေကြပါ၏လော။
* ထိုထိုသော စည်စိမ်ဥစ္စာ ရာထူးအာဏာ ဂုဏ်ဒြပ် အဆောင်အယောင်တို့သည် မတည်မြဲသော သင်္ခါရ တရားများ ဖြစ်ကြသဖြင့် ဘဝ၏ အနှစ်သာရများ မဟုတ်ပါချေ။
* သေလွန်သောအခါ မိမိနှင့်အတူ လိုက်ပါသွားနိုင်သော တရားများလည်း မဟုတ်ပါချေ။
* သေလွန်သည့်အခါမှ ထိုပစ္စည်းဥစ္စာ ရာထူးအာဏာ တို့က တစ်ခြား၊ မိမိဘဝသည် တစ်ခြား ဟုသိလျှင် အလွန် နှောင်းသွားပေလိမ့်မည်။
* အဖိုးအနဂ္ဃ ထိုက်တန်သည့် လူ့ဘဝတစ်ခုသည် အချည်းနှီး ဖြစ်ရချေတော့မည်။
* ဘဝ၏တန်ဖိုးကို ဖြတ်ရာ၌ အံ့သြ ချီးမွမ်းဖွယ်ရာ သံဝေဂ လင်္ကာတစ်ပုဒ်ကို မိတ်ဆွေတို့ ပြန်လည်ခံစားစေလို သောဆန္ဒ ကျွန်ုပ်တွင် အပြည့်ရှိနေသည် ဖြစ်ပေရာ အတွေး အသိ ဆပွားနိုင်ကြစေဖို့ရာ မျှဝေပါအံ့။
* ထိုလင်္ကာသည်ကား အနန္တ သူရိယ အမတ်ကြီး သေအံ့ဆဲဆဲ အချိန်တစ်ခဏ၌ မတုန်မလှုပ် တည်ငြိမ်စွာ ဖြင့် ရေးစပ်သီကုံးခဲ့သော သံဝေဂလင်္ကာပင်တည်း။
♪ သူတည်းတစ်ယောက်၊ ကောင်းဖို့ရောက်မူ၊ သူတစ်ယောက်မှာ၊ ပျက်လင့်ကာသာ၊ ဓမ္မတာတည်း။ .....
♬ ရွှေအိမ်နန်းနှင့်၊ ကြငှန်းလည်းခံ၊ မတ်ပေါင်းရံလျက်၊ ပျော်စံရိပ်ငြိမ်၊ မင်းစည်းစိမ်ကား၊ သမုဒ္ဒရာ၊ ရေမျက်နှာထက်၊ ခဏတက်သည့်၊ ရေပွက်ပမာ၊ တစ်သက်လျာတည်း။ .....
***** မိမိဘဝ ပျော်ရွှင် ချမ်းသာရေး အတွက် အခြားသူ တို့ကို မျက်ရည်မကျပါစေနှင့်။ ရွှေအိမ်ရွှေနန်းနှင့် ပျော်ရွှင်စွာ စံစားရသော မင်းစည်းစိမ် နှင့် ရာထူး၊ အခွင့်အာဏာ ဟူသည် တို့မှာကား ခဏတစ်ဖြုတ် သာလျှင် တင့်တယ်ပါ ပေလိမ့်မည်။ ဘဝ တစ်သက်တာ ဆိုသည်မှာ ရေပွက် ကလေး တစ်ပွက်မျှလောက်သာ ရှည်ကြာသည်ကို သတိ မမေ့ပါလေနှင့်။ မြတ်သော အတွေး အသိတို့ ဆပွားချင့်ယှဉ် သတိဝင်၍ အတ္တ နှင့် ပရ ညီထွေမျှစွာ သံသရာ အရေး အတွက် ရှုမျှော်တွေးထောက် ကုသိုလ်ရောက် နိုင်ကြပါစေဟု လေးနက်စွာဖြင့် ဆန္ဒပြုလိုက်ရပါပေ၏။
..... လောကကို အလှဆင်နိုင်ကြပါစေ .....
ဦးလွှမ်းမိုးအောင်
