☆“ကာမဂုဏ်တို့၏ အပြစ်များ”☆
▬▬▬▬▬▬▬▬▬▬▬▬▬▬
¤ ဖားအောက်တောရဆရာတော် ¤
═════════════════=
▬▬▬▬▬▬▬▬▬▬▬
၁။ #အရိုးစုနှင့်ပမာတူ၏
▬▬▬▬▬▬▬▬▬▬▬
☆ “ဒါယကာ သူကြွယ်... နှိုင်းခိုင်းဖွယ်ရာ လောကဥပမာတစ်ခုကို
ငါဘုရား ပြောပြဦးမယ် --- မွတ်သိပ်ဆာလောင်သဖြင့် အားနည်းနေတဲ့
ခွေးဟာ နွားတွေကို သတ်ဖြတ်တဲ့နေရာမှာ ရှိနေတဲ့ စဉ်းတီတုံး အနီးမှာ
ရှေးရှူတည်နေတယ်ဆိုကြစို့ ... ကျွမ်းကျင်တဲ့ နွားသတ်သမားကဖြစ်စေç
နွားသတ်သမားရဲ့ တပည့်ကပဲဖြစ်စေ အရိုးမှာကပ်နေတဲ့ အသားတွေကို
ကောင်းစွာ ခြစ်ယူခြင်းဖြင့် ခြစ်ယူထားပြီးတဲ့ အသားမရှိတော့တဲ့, သွေးသာ
လိမ်းကျံနေတဲ့ (ရင်ရိုး, ကျောရိုး, သို့မဟုတ် ဦးခေါင်းခွံဆိုတဲ့) တစ်မျိုးမျိုးသော
အရိုးကို ထိုခွေးရဲ့ အနီးအပါးမှာပဲ ပစ်ချပေးလိုက်တယ်ဆိုကြစို့ ...။
☆ ဒါယကာ သူကြွယ် ... ထိုငါပြောမယ့်စကားကို သင် ဘယ်လိုထင်မြင်
ယူဆသလဲ? ထိုခွေးဟာ အရိုးမှာ ကပ်နေတဲ့, အသားမရှိအောင် ကောင်းစွာ
ခြစ်ယူခြင်းဖြင့် ခြစ်ယူထားပြီးတဲ့, အသားမရှိတော့တဲ့, သွေးသာ လိမ်းကျံနေ
တဲ့ ဤအရိုးကို လျက်သော် မွတ်သိပ်ဆာလောင်တဲ့အတွက် အားနည်းနေခြင်း
ကို ပယ်ဖျောက်နိုင်ပါ့မလား?”ဟု မေးတော်မူလိုက်၏။
☆ “မြတ်စွာဘုရား ... မပယ်ဖျောက်နိုင်ပါ။ အဘယ်ကြောင့်နည်းဆိုလျှင်
မြတ်စွာဘုရား ဤအရိုးဟာ အသားမရှိအောင် ကောင်းစွာ ခြစ်ယူခြင်းဖြင့်
ခြစ်ယူထားတဲ့အတွက် အသားမရှိ သွေးသာ လိမ်းကျံနေသောကြောင့် ဖြစ်ပါ
တယ် မြတ်စွာဘုရား ...။ အမှန်ကိုဆိုရမူ ထိုခွေးဟာ ပင်ပန်းရုံ နွမ်းနယ်ရုံ
မျှသာ ဖြစ်ရာပါတယ် မြတ်စွာဘုရား ...”ဟု လျှောက်ထားလေသည်။
☆ “ဒါယကာ သူကြွယ် ... ဤဥပမာအတူသာလျှင် မြတ်စွာဘုရား၏
တပည့်သာဝကတစ်ဦးဟာ ဤသို့ ဆင်ခြင်တယ် --- ‘ဤကာမဂုဏ်တို့သည်
အသားမကပ်သည့်အရိုးနှင့် တူကုန်၏။ ပစ္စုပ္ပန်သံသရာ နှစ်ဖြာသော ဆင်းရဲ
ခြင်းတို့ဖြင့် များစွာ ဆင်းရဲခြင်း ရှိကုန်၏။ များစွာ ပူပန်ခြင်း, ပင်ပန်းခြင်း
ရှိကုန်၏။ ဤကာမဂုဏ်တို့၌ အပြစ်ကား များပြားလှ၏}ဟု မြတ်စွာဘုရား-
သည် ဟောကြားထားတော်မူ၏။
☆ ဤသို့လျှင် ထိုအာရုံငါးပါး ကာမဂုဏ်တရားတို့ကို ဟုတ်မှန်သည့်အတိုင်း
ကောင်းမွန်မှန်ကန်စွာ သိသော ပညာဖြင့် သိမြင်၍ (အဆင်း-အသံ-အနံ့
အရသာ-အတွေ့အထိတည်းဟူသော) အမျိုးမျိုးသော အာရုံသဘောကို
အာရုံပြုနေတဲ့, အမျိုးမျိုးသော အာရုံသဘောကို မှီနေတဲ့ အလယ်အလတ်
ခံစားမှု ဥပေက္ခာမျိုးကို ရှောင်ကြဉ်ကာ (ရူပါရုံစသည်ကို သိတတ်တဲ့ မြင်တတ်
တဲ့ စက္ခုဝိညာဏ်စသည့် ပဉ္စ၀ိညာဏ်တို့က ဥပေက္ခာဝေဒနာနှင့် အမြဲ
ယှဉ်နေသည့်အတွက်ကြောင့် ထိုကဲ့သို့သော ဥပေက္ခာဝေဒနာမျိုးကို ရှောင်-
ကြဉ်မှုကို ဟောတော်မူခြင်း ဖြစ်ပေသည်။) (အာနာပါနပဋိဘာဂနိမိတ်
သို့မဟုတ် ကသိုဏ်းပဋိဘာဂနိမိတ်ကဲ့သို့သော) တစ်ခုတည်းသော အာရုံ
သဘောရှိတဲ့, တစ်ခုတည်းသော အာရုံသဘောကို မှီတဲ့, အခါခပ်သိမ်း
လောကသားတို့ တပ်မက်စရာဖြစ်တဲ့ အာရုံငါးပါး ကာမဂုဏ်တရားတို့ကို
စွဲလမ်းခြင်း လိုလား တပ်မက်ခြင်း = ဆန္ဒရာဂ၏ အကြွင်းမဲ့ ချုပ်ရာဖြစ်တဲ့
စတုတ္ထဈာနုပေက္ခာဆိုတဲ့ အလယ်အလတ် ခံစားမှု ဥပေက္ခာမျိုးကိုသာလျှင်
ပွားများပြီး နေထိုင်တယ်။”
▬▬▬▬▬▬▬▬▬▬▬▬
၂။ #သားတစ်နှင့်ပမာတူ၏
▬▬▬▬▬▬▬▬▬▬▬▬
☆ “ဒါယကာ သူကြွယ် ... နှိုင်းခိုင်းဖွယ်ရာ လောကဥပမာတစ်မျိုးကို
ငါဘုရား ပြောပြဦးမယ်၊ လင်းတတစ်ကောင်ကဖြစ်စေ, ဘုံမတီးငှက်တစ်
ကောင်ကဖြစ်စေ, စွန်ရဲတစ်ကောင်ကဖြစ်စေ သားတစ်ကို ချီကိုက်ပြီးတော့
ပျံသွားတယ်ဆိုကြစို့။ ထိုသားတစ်ကို ချီကိုက်ပြီး ပျံသန်းနေတဲ့ ငှက်နောက်သို့
တခြားတခြားသော လင်းတတွေ ဘုံမတီးငှက်တွေ စွန်ရဲတွေဟာ အစဉ်တ
စိုက် လိုက်လိုက်ပြီးတော့ ထိုးဆိတ်ကြကုန်ရာတယ်။ သားတစ်ကို လွှတ်ချ
သည့် တိုင်အောင် ထိုးဆိတ်ကြကုန်ရာတယ်။
☆ ဒါယကာ သူကြွယ် ... ယခု ငါပြောမယ့်စကားကို သင် ဘယ်လို ထင်မြင်
ယူဆသလဲ? အကယ်၍ အသားကို ကိုက်ချီထားတဲ့ လင်းတ, သို့မဟုတ် ဘုံမ
တီးငှက်, သို့မဟုတ် စွန်ရဲဟာ ထိုအခါ သားတစ်ကိုခပ်မြန်မြန် မစွန့်လွှတ်ဘူး
ဆိုလျှင် ထိုသားတစ်ကို ကိုက်ချီထားတဲ့ ငှက်ဟာ တခြားငှက် အပေါင်းတို့က
ထိုးဆိတ်ကြခြင်းဆိုတဲ့ အကြောင်းကြောင့် သေခြင်းသို့ဖြစ်စေ, သို့မဟုတ်
သေလောက်တဲ့ ဆင်းရဲဒုက္ခသို့ဖြစ်စေ ရောက်ရာသည် မဟုတ်ပါလား”ဟု
မေးတော်မူ၏။
☆ “မှန်ပါသည် မြတ်စွာဘုရား ...”ဟု ပြန်လည် လျှောက်ထားလေသည်။
☆ “ဒါယကာ သူကြွယ် ... ဤဥပမာအတူသာလျှင် မြတ်စွာဘုရား၏
တပည့်သာဝကတစ်ဦးဟာ ဤသို့ ဆင်ခြင်တယ် --- ‘ကာမဂုဏ်တို့သည်
သားတစ်နှင့် ပမာတူကုန်၏၊ ပစ္စုပ္ပန်သံသရာ နှစ်ဖြာသော ဆင်းရဲခြင်းတို့ဖြင့်
များစွာ ဆင်းရဲခြင်း ရှိကုန်၏၊ များစွာ ပူပန်ခြင်း, ပင်ပန်းခြင်း ရှိကုန်၏။
ဤကာမဂုဏ်တို့၌ အပြစ်ကား များလှကုန်၏’ဟု မြတ်စွာဘုရားသည် ဟော-
ကြားထားတော်မူ၏။
☆ ဤသို့လျှင် ထိုအာရုံငါးပါး ကာမဂုဏ်တရားတို့ကို ဟုတ်မှန်သည့်အတိုင်း
ကောင်းမွန်မှန်ကန်စွာ သိသော ပညာဖြင့် သိမြင်၍ (အဆင်း-အသံ-အနံ့အရ
သာ-အတွေ့အထိတည်းဟူသော) အမျိုးမျိုးသော အာရုံသဘောကို
အာရုံပြုနေတဲ့, အမျိုးမျိုးသော အာရုံသဘောကို မှီနေတဲ့ အလယ်အလတ်
ခံစားမှု ဥပေက္ခာမျိုးကို ရှောင်ကြဉ်ကာ (အာနာပါနပဋိဘာဂနိမိတ် သို့မဟုတ်
ကသိုဏ်းပဋိဘာဂနိမိတ်ကဲ့သို့သော) တစ်ခုတည်းသော အာရုံသဘောရှိတဲ့,
တစ်ခုတည်းသော အာရုံသဘောကို မှီတဲ့, အခါခပ်သိမ်း လောကသားတို့
တပ်မက်စရာဖြစ်တဲ့ အာရုံငါးပါး ကာမဂုဏ်တရားတို့ကို စွဲလမ်းခြင်း လိုလား
တပ်မက်ခြင်း = ဆန္ဒရာဂ၏ အကြွင်းမဲ့ ချုပ်ရာဖြစ်တဲ့ စတုတ္ထဈာနုပေက္ခာ
ကဲ့သို့သော အလယ်အလတ် ခံစားမှု ဥပေက္ခာမျိုးကိုသာလျှင် ပွားများပြီး နေ
ထိုင်တယ်။” (ဤဟတ္ထိပါလဇာတ်တော်ဝယ် လာရှိသည့်အတိုင်း အာနာပါန
စတုတ္ထဈာန် သို့မဟုတ် ကသိုဏ်းစတုတ္ထဈာန်ကဲ့သို့သော စတုတ္ထဈာန်
များကို ၀င်စားလျက် ယင်းစတုတ္ထဈာန်နှင့် ယှဉ်သော ဥပေက္ခာဝေဒနာဖြင့်
နေထိုင်နေသည်ဟု ဆိုလိုပေသည်။)
▬▬▬▬▬▬▬▬▬▬▬▬
၃။ #မြက်မီးရှူးနှင့်ပမာတူ၏
▬▬▬▬▬▬▬▬▬▬▬▬
☆ “ဒါယကာ သူကြွယ် ... နှိုင်းခိုင်းဖွယ်ရာ လောကဥပမာတစ်မျိုးကို
ငါဘုရား ပြောဦးမယ် --- ယောက်ျားတစ်ယောက်ဟာ တောက်လောင်နေတဲ့
မြက်မီးရှူးကို ကိုင်ဆောင်ကာ လေညာသို့ သွားတယ်ဆိုကြစို့ ...
☆ ဒါယကာ သူကြွယ် ... ယခု ငါဘုရားပြောမယ့်စကားကို သင် ဘယ်လို
ထင်မြင်ယူဆသလဲ? အကယ်၍ ထိုယောက်ျားဟာ တောက်လောင်နေတဲ့
ထိုမြက်မီးရှူးကို လျင်မြန်စွာ မစွန့်လွှတ်ငြားအံ့၊ ထိုတောက်လောင်နေတဲ့
မြက်မီးရှူးဟာ ထိုယောက်ျား၏ လက်ကိုသော်လည်း လောင်ချင်လောင်မယ်၊
လက်မောင်းကိုသော်လည်း လောင်ချင်လောင်မယ်၊ ကိုယ်အင်္ဂါကြီးငယ်
တစ်ခုခုကိုသော်လည်း လောင်ချင်လောင်မယ်။ ထိုယောက်ျားဟာ ထိုမြက်မီး
ရှူး လောင်မြိုက်ခြင်းတည်းဟူသောအကြောင်းကြောင့် သေခြင်းသို့သော်
လည်းကောင်း, သေလောက်သော ဆင်းရဲသို့သော်လည်းကောင်း ရောက်ရာ
သည်မဟုတ်လော”ဟု မေးတော်မူ၏။
☆ “မှန်ပါသည် မြတ်စွာဘုရား ...”ဟု ပြန်လည် လျှောက်ထား၏။
☆ “ဒါယကာ သူကြွယ် ...ဤဥပမာအတူသာလျှင် မြတ်စွာဘုရား၏
တပည့်သာဝကတစ်ဦးဟာ ဤသို့ ဆင်ခြင်တယ် --- ‘ကာမဂုဏ်တို့သည်
မြက်မီးရှူးနှင့် ပမာတူကုန်၏၊ ပစ္စုပ္ပန်သံသရာ နှစ်ဖြာသော ဆင်းရဲခြင်းတို့ဖြင့်
များစွာ ဆင်းရဲခြင်း ရှိကုန်၏၊ များစွာပူပန်ခြင်း, ပင်ပန်းခြင်း ရှိကုန်၏။
ဤကာမဂုဏ်တို့၌ အပြစ်ကား များလှကုန်၏}ဟု မြတ်စွာဘုရား ဟောကြား-
ထားတော်မူ၏။
☆ ဤသို့လျှင် ထိုအာရုံငါးပါး ကာမဂုဏ်တရားတို့ကို ဟုတ်မှန်သည့်အတိုင်း
ကောင်းမွန်မှန်ကန်စွာ သိသော ပညာဖြင့် သိမြင်၍ ။ ပ ။ ဥပေက္ခာမျိုးကို
သာလျှင် ပွားများပြီး နေထိုင်တယ်။”
▬▬▬▬▬▬▬▬▬▬▬▬▬
၎။ #မီးကျီးတွင်းနှင့်ပမာတူ၏
▬▬▬▬▬▬▬▬▬▬▬▬▬
☆ “ဒါယကာ သူကြွယ် ... နှိုင်းခိုင်းဖွယ်ရာ လောကဥပမာတစ်မျိုးကို
ငါဘုရား ပြောပြဦးမယ် ... မီးတောက် မီးလျှံ မီးခိုး ကင်းမဲ့နေတဲ့,
ယောက်ျားတစ်ရပ် ပမာဏလောက်ရှိတဲ့, မီးကျီးခဲတို့ဖြင့် ပြည့်နှက်နေတဲ့
မီးကျီးတွင်းကြီးတစ်ခု ရှိတယ်ဆိုကြစို့ ...။ ထိုအခါမှာ အသက်ရှည်လိုတဲ့,
မသေလိုတဲ့, ချမ်းသာခြင်းကိုသာ အလိုရှိတဲ့, ဆင်းရဲကို ရွံရှာစက်ဆုပ်တဲ့
ယောက်ျားတစ်ယောက်ဟာ ရောက်ရှိလာတယ်ဆိုကြစို့ ...။ ထိုယောက်ျား-
ကို အားကောင်းမောင်းသန်ကြတဲ့ ယောက်ျားနှစ်ယောက်တို့က လက်ရုံးနှစ်
ဖက်တို့ကို အသီးအသီးကိုင်လျက် မီးကျီးတွင်းရှိရာသို့ ဆွဲငင်ခေါ်ဆောင်သွား-
ကြတယ်ဆိုကြစို့ ...။
☆ ဒါယကာ သူကြွယ် ... ခု ငါပြောမယ့်စကားကို သင် ဘယ်လိုထင်မြင်
ယူဆသလဲ? အမှန်အားဖြင့် ထိုယောက်ျားဟာ ဟိုဟိုဒီဒီ မိမိကိုယ်ကို ရုန်း
ကန်ရာသည် မဟုတ်လော”ဟု မေးမြန်းတော်မူလိုက်၏။
☆ “မှန်ပါသည် မြတ်စွာဘုရား ...။ အဘယ်ကြောင့်နည်းဆိုလျှင်
မြတ်စွာဘုရား ... ထိုယောက်ျားဟာ ‘ငါသည် မီးကျီးတွင်းထဲသို့ ကျရ-
ပေတော့အံ့၊ ထိုသို့ ကျရောက်ခြင်းကြောင့် သေခြင်းသို့သော်လည်းကောင်း,
သေလောက်သော ဆင်းရဲသို့သော်လည်းကောင်း ရောက်လေရာ၏’ဟု
သိနေသောကြောင့် ဖြစ်ပါသည် မြတ်စွာဘုရား ...”ဟု လျှောက်ထား၏။
☆ “ဒါယကာ သူကြွယ် ... ဤဥပမာအတူသာလျှင် မြတ်စွာဘုရား၏
တပည့်သာဝကတစ်ဦးဟာ ဤသို့ ဆင်ခြင်တယ် --- ‘ဤကာမဂုဏ်တို့သည်
မီးကျီးတွင်းနှင့် တူကုန်၏၊ ပစ္စုပ္ပန်သံသရာ နှစ်ဖြာသော ဆင်းရဲခြင်းတို့ဖြင့်
များစွာ ဆင်းရဲခြင်း ရှိကုန်၏၊ များစွာ ပူပန်ခြင်း, ပင်ပန်းခြင်း ရှိကုန်၏။
ဤကာမဂုဏ်တို့၌ အပြစ်ကား များလှ၏’ဟု မြတ်စွာဘုရားသည် ဟောကြား-
ထားတော်မူ၏။
☆ ဤသို့လျှင် ထိုအာရုံငါးပါး ကာမဂုဏ်တရားတို့ကို ဟုတ်မှန်သည့်အတိုင်း
ကောင်းမွန်မှန်ကန်စွာ သိသော ပညာဖြင့် သိမြင်၍ ။ ပ ။ ဥပေက္ခာမျိုးကိုသာ
လျှင် ပွားများပြီး နေထိုင်တယ်။”
▬▬▬▬▬▬▬▬▬▬▬▬▬
၅။ #အိပ်မက်နှင့်ပမာတူ၏
▬▬▬▬▬▬▬▬▬▬▬▬▬
☆ ဒါယကာ သူကြွယ် ... နှိုင်းခိုင်းဖွယ်ရာ လောကဥပမာတစ်မျိုးကို
ငါဘုရား ပြောဦးမယ်--- ယောက်ျားတစ်ယောက်ဟာ မွေ့လျော်ဖွယ် ကောင်း
တဲ့ အရံç မွေ့လျော်ဖွယ်ကောင်းတဲ့ တောအုပ်, မွေ့လျော်ဖွယ်ကောင်းတဲ့
မြေအပြင်, မွေ့လျော်ဖွယ်ကောင်းတဲ့ ရေကန်ကို အိပ်မက် မြင်မက်တယ်
ဆိုကြစို့ ...။ ထိုယောက်ျားဟာ နိုးလာတဲ့အခါ တစ်စုံတစ်ခုကိုမျှ မတွေ့မမြင်
ရာသကဲ့သို့ ---
☆ ဒါယကာ သူကြွယ် ... ဤဥပမာအတူသာလျှင် မြတ်စွာဘုရား၏ တပည့်
သား သာဝကတစ်ဦးဟာ ဤသို့ ဆင်ခြင်တယ် --- ‘ကာမဂုဏ်တို့သည်
အိပ်မက်နှင့် ပမာတူကုန်၏၊ ပစ္စုပ္ပန်သံသရာ နှစ်ဖြာသော ဆင်းရဲခြင်းတို့ဖြင့်
များစွာ ဆင်းရဲခြင်း ရှိကုန်၏၊ များစွာ ပူပန်ခြင်းç ပင်ပန်းခြင်း ရှိကုန်၏။ ဤ
ကာမဂုဏ်တို့၌ အပြစ်ကား များလှ၏’ဟု မြတ်စွာဘုရားသည် ဟောကြား-
ထားတော်မူ၏။
☆ ဤသို့လျှင် ထိုအာရုံငါးပါး ကာမဂုဏ်တရားတို့ကို ဟုတ်မှန်သည့်အတိုင်း
ကောင်းမွန်မှန်ကန်စွာ သိသော ပညာဖြင့် သိမြင်၍ ။ ပ ။ ဥပေက္ခာမျိုးကိုသာ
လျှင် ပွားများပြီး နေထိုင်တယ်။
▬▬▬▬▬▬▬▬▬▬▬▬▬▬▬▬▬▬▬▬▬▬▬▬
၆။ #ငှားရမ်းဝတ်ဆင်ထားသောစည်းစိမ်ဥစ္စာနှင့်ပမာတူ၏
▬▬▬▬▬▬▬▬▬▬▬▬▬▬▬▬▬▬▬▬▬▬▬▬
☆ “ဒါယကာ သူကြွယ် ... နှိုင်းခိုင်းဖွယ်ရာ လောကဥပမာတစ်မျိုးကို ငါဘုရား
ပြောပြဦးမယ် --- ယောက်ျားတစ်ယောက်ဟာ ငှားရမ်းထားတဲ့ ဥစ္စာဖြစ်တဲ့
ယာဉ်, ယောက်ျားနှင့် ထိုက်တန်တဲ့ ပတ္တမြားနားဋောင်းကို ငှားရမ်းကာ
ထိုငှားရမ်းထားတဲ့ ဥစ္စာတို့ဖြင့် ၀တ်ဆင် ဗန်းပြလျက် ဈေးအတွင်းသို့
ဝင်ရောက်သွားတယ်ဆိုကြစို့ ...။
☆ ထိုယောက်ျားကို လူအများက မြင်တွေ့လိုက်တဲ့အခါ --- ‘အချင်းတို့
ဤယောက်ျားသည် ဥစ္စာရှိပေစွတကား ...၊ ဥစ္စာရှိသူတို့သည် ဥစ္စာတို့ကို
ဤသို့ပင် ခံစားကြကုန်၏’ဟု ပြောဆိုရာ၏။ သို့သော် ထိုယောက်ျားကို
ဥစ္စာရှင်တို့က တွေ့လေရာရာ အရပ်၌သာလျှင် ဥစ္စာတို့ကို ပြန်ယူကုန်တယ်
ဆိုကြစို့ ...။
☆ ဒါယကာ သူကြွယ် ... ခု ငါပြောမယ့်စကားကို သင် ဘယ်လိုထင်မြင်
ယူဆသလဲ? ထိုယောက်ျားအား တစ်မျိုးတစ်ဖုံ ဖြစ်နိုင်ပါမည်လော”ဟု
မေးတော်မူ၏။
☆ “မြတ်စွာဘုရား ...ဖြစ်နိုင်ရာပါ၏။ အဘယ်ကြောင့်နည်းဆိုလျှင်
မြတ်စွာဘုရား ... ဥစ္စာရှင်တို့က မိမိတို့ပိုင်ဆိုင်တဲ့ ဥစ္စာတို့ကို ပြန်ယူကုန်
သောကြောင့် ဖြစ်ပါသည် မြတ်စွာဘုရား ...”ဟု လျှောက်ထား၏။
☆ “ဒါယကာ သူကြွယ် ... ဤဥပမာအတူသာလျှင် မြတ်စွာဘုရား၏
တပည့်သာဝကတစ်ဦးဟာ ဤသို့ ဆင်ခြင်တယ် --- ‘ကာမဂုဏ်တို့သည်
ခေတ္တခဏမျှ ငှားရမ်းဝတ်ဆင်ထားသော စည်းစိမ်ဥစ္စာနှင့် ပမာတူကုန်၏၊
ပစ္စုပ္ပန်သံသရာ နှစ်ဖြာသော ဆင်းရဲခြင်းတို့ဖြင့် များစွာ ဆင်းရဲခြင်း ရှိကုန်၏၊
များစွာ ပူပန်ခြင်း, ပင်ပန်းခြင်း ရှိကုန်၏။ ဤကာမဂုဏ်တို့၌ အပြစ်ကား
များလှကုန်၏’ဟု မြတ်စွာဘုရား ဟောကြားထားတော်မူ၏။
☆ ဤသို့လျှင် ထိုအာရုံငါးပါး ကာမဂုဏ်တရားတို့ကို ဟုတ်မှန်သည့်အတိုင်း
ကောင်းမွန်မှန်ကန်စွာ သိသော ပညာဖြင့် သိမြင်၍ ။ ပ ။ ဥပေက္ခာမျိုးကိုသာ-
လျှင် ပွားများပြီး နေထိုင်တယ်။”
▬▬▬▬▬▬▬▬▬▬▬▬▬▬▬▬▬▬
၇။ #အသီးသီးသောသစ်ပင်နှင့်ပမာတူ၏
▬▬▬▬▬▬▬▬▬▬▬▬▬▬▬▬▬▬
☆ “ဒါယကာ သူကြွယ် ... နှိုင်းခိုင်းဖွယ်ရာ လောကဥပမာတစ်မျိုးကို ငါဘုရား
ပြောပြဦးမယ် --- ရွာ၏ မနီးမဝေးသော အရပ်၌ သို့မဟုတ် နိဂုံး၏ မနီးမဝေး
သော အရပ်၌ တစ်ခဲနက် ထူထပ်သော တောအုပ်ကြီးတစ်ခု ရှိတယ်ဆိုကြ
စို့ ...။ ထိုတောအုပ်ထဲမှာ သစ်ပင်တစ်ပင်ဟာ ချိုမြိန်ကောင်းမြတ်တဲ့ အသီး
လည်း ရှိတယ်၊ များပြားလှတဲ့ အသီးလည်း ရှိတယ်၊ မြေပေါ်မှာ ကြွေကျ
နေတဲ့ အသီးတစ်လုံးတလေမျှလည်း မရှိဆိုကြစို့ ...။
☆ ထိုအခါမှာ သစ်သီးကို အလိုရှိတဲ့အတွက် သစ်သီးရှာဖွေတဲ့ ယောက်ျား
တစ်ယောက်ဟာ သစ်သီးရှာ လှည့်လည်လာရာ ထိုတောအုပ်အတွင်းသို့
ဝင်ပြီးတော့ ချိုမြိန်ကောင်းမြတ်တဲ့ အသီးများများရှိတဲ့ ထိုသစ်ပင်ကို တွေ့
မြင်ပြီဆိုကြစို့ ...။
☆ ထိုယောက်ျား၏ သန္တာန်မှာ ဤသို့သော စိတ်အကြံအစည်တစ်ခု
ဖြစ်ပေါ်လာလေရာတယ် --- ‘ဤသစ်ပင်ဟာ ချိုမြိန်ကောင်းမြတ်တဲ့ အသီး-
လည်း ရှိတယ်၊ အသီးလည်း များတယ်၊ မြေပေါ်မှာ ကြွေကျနေတဲ့ အသီး-
လည်း တစ်လုံးမျှ မရှိဘူး၊ ငါဟာ သစ်ပင်တက်ရန် နားလည် ကျွမ်းကျင်တယ်၊
ဤသစ်ပင်ကို တက်ပြီးတော့ အလိုရှိသလောက် စားကာ ခါးပိုက်ကိုလည်း
ပြည့်အောင် သစ်သီးတွေကို ဆွတ်ခူးရမူ ကောင်းလေစွ}လို့ စိတ်အကြံအစည်
ဖြစ်တယ်ဆိုကြစို့ ...။
☆ ထိုယောက်ျားဟာ စိတ်ကူးထားတဲ့အတိုင်း ထိုသစ်ပင်ကို တက်ပြီးတော့
အလိုရှိတိုင်း စားပြီးတော့ ခါးပိုက်ကိုပြည့်အောင် သစ်သီးတွေကို ဆွတ်ခူးနေ
တယ်ဆိုကြစို့ ...။
☆ ဒုတိယ နောက်ယောက်ျားတစ်ယောက်ကလည်း သစ်သီးကိုပဲ အလိုရှိတဲ့
အတွက် ထက်လှစွာသော ဓားမကို ယူဆောင်ပြီးတော့ သစ်သီးရှာ လှည့်
လည်လာရာ ထိုတောအုပ်အတွင်းသို့ပင် သက်ဝင်ပြီးတော့ ချိုမြိန်တဲ့ အသီး
များများ ရှိတဲ့ ထိုသစ်ပင်ကို မြင်တွေ့ပြီဆိုကြစို့ ...။
☆ ထိုဒုတိယယောက်ျား၏ သန္တာန်မှာ စိတ်အကြံအစည်တစ်ခု ဖြစ်ပေါ်-
လာပြန်တယ် --- ‘ဤသစ်ပင်ဟာ ချိုမြိန်တဲ့ အသီးလည်း ရှိတယ်၊ အသီးလည်း
များတယ်၊ မြေပေါ်မှာ ကြွေကျနေတဲ့ အသီးလည်း တစ်လုံးမျှ မရှိဘူး။ ငါဟာ
သစ်ပင်ကို တက်ရန် နားမလည် မတက်တတ်၊ ငါဟာ ဤသစ်ပင်ကို အရင်းမှ
ဖြတ်ပြီးလျှင် အလိုရှိတိုင်း စားကာ ခါးပိုက်ပြည့်အောင် သစ်သီးတွေကို
ဆွတ်ခူးရမူ ကောင်းလေစွ’ဆိုတဲ့ စိတ်အကြံအစည်တစ်ခု ဖြစ်ပေါ်လာတဲ့
အတွက် ထိုဒုတိယယောက်ျားဟာ ထိုသစ်ပင်ကို အရင်းကနေပဲ ဓားဖြင့်
ခုတ်ဖြတ်လှဲပြီဆိုကြစို့ ...။
☆ ဒါယကာ သူကြွယ် ... ခု ငါပြောမယ့်စကားကို သင် ဘယ်လို ထင်မြင်
ယူဆသလဲ? ပထမဦးစွာ သစ်ပင်ထက်သို့ ရောက်ရှိနေတဲ့ ဤမည်သော
ယောက်ျားဟာ အကယ်၍ သစ်ပင်မှ လျင်မြန်စွာ မဆင်းသက်ငြားအံ့၊ ထို
သစ်ပင်လဲတဲ့အခါ ထိုယောက်ျား၏ လက်သည်မူလည်း ကျိုးပဲ့ပျက်စီးရာ၏၊
ခြေထောက်သည်မူလည်း ကျိုးပဲ့ပျက်စီးရာ၏၊ အင်္ဂါကြီးငယ် တစ်ခုခုသည်
လည်း ကျိုးပဲ့ပျက်စီးရာ၏၊ သစ်ပင်လဲခြင်းတည်းဟူသော အကြောင်းကြောင့်
သေဆုံးခြင်းသို့သော်လည်းကောင်း, သေလောက်သော ဆင်းရဲခြင်းသို့သော်
လည်းကောင်း ရောက်ရာသည် မဟုတ်လော”ဟု မေးတော်မူ၏။
☆ “မှန်ပါသည် မြတ်စွာဘုရား ...”ဟု လျှောက်ထား၏။
☆ “ဒါယကာ သူကြွယ် ... ဤဥပမာအတူသာလျှင် မြတ်စွာဘုရား၏
တပည့်သာဝကတစ်ဦးဟာ ဤသို့ ဆင်ခြင်တယ် --- ‘ကာမဂုဏ်တို့သည်
ချိုမြိန် ကောင်းမြတ်သော အသီးရှိတဲ့ သစ်ပင်နှင့် တူကုန်၏၊ ပစ္စုပ္ပန်သံသရာ
နှစ်ဖြာသော ဆင်းရဲခြင်းတို့ဖြင့် များစွာ ဆင်းရဲခြင်း ရှိကုန်၏၊ များစွာပူပန်
ခြင်း, ပင်ပန်းခြင်း ရှိကုန်၏။ ဤကာမဂုဏ်တို့၌ အပြစ်ကား များလှကုန်၏’ဟု
မြတ်စွာဘုရား ဟောကြားထားတော်မူ၏။
☆ ဤသို့လျှင် ထိုအာရုံငါးပါး ကာမဂုဏ်တရားတို့ကို ဟုတ်မှန်သည့်အတိုင်း
ကောင်းမွန်မှန်ကန်စွာ သိသော ပညာဖြင့် သိမြင်၍ (အဆင်း-အသံ-အနံ့
အရသာ-အတွေ့အထိတည်းဟူသော) အမျိုးမျိုးသော အာရုံသဘောကို
အာရုံပြုနေတဲ့, အမျိုးမျိုးသော အာရုံသဘောကို မှီနေတဲ့ အလယ်အလတ်
ခံစားမှု ဥပေက္ခာမျိုးကို ရှောင်ကြဉ်ကာ (အာနာပါနပဋိဘာဂနိမိတ် သို့မဟုတ်
ကသိုဏ်းပဋိဘာဂနိမိတ်ကဲ့သို့သော) တစ်ခုတည်းသော အာရုံသဘောရှိတဲ့,
တစ်ခုတည်းသော အာရုံသဘောကို မှီတဲ့, အခါခပ်သိမ်း လောကသားတို့
တပ်မက်စရာဖြစ်ကြတဲ့ အာရုံငါးပါး ကာမဂုဏ်တရားတို့ကို စွဲလမ်းခြင်း
လိုလားတပ်မက်ခြင်း “ဆန္ဒရာဂ”၏ အကြွင်းမဲ့ ချုပ်ရာဖြစ်တဲ့ စတုတ္ထဈာနု
ပေက္ခာဆိုတဲ့ အလယ်အလတ် ခံစားမှု ဥပေက္ခာမျိုးကိုသာလျှင် ပွားများပြီး
နေထိုင်တယ်။”
☆ ဤကားမဇ္ဈိမပဏ္ဏာသပါဠိတော် ပါတလိယသုတ္တန် (မ၊၂၊၂၇-၃၀။)တို့၌
လာရှိသော ကာမဂုဏ်တို့၏ အပြစ်များပင် ဖြစ်ကြပေသည်။ တစ်ဖန် ဘုရား-
ရှင်က ကာမဂုဏ်မှ ထွက်မြောက်ကြောင်း ကျင့်စဉ်တို့ကိုလည်း ဆက်လက်
ဟောကြားတော်မူ၏။
☆ အကျဉ်းချုပ်မှာ ဤသို့ဖြစ်၏ --- ဘုရားရှင်၏ တပည့်သာဝက တစ်ဦး-
ကား ဤကဲ့သို့သော ကာမဂုဏ်တို့၏ အပြစ်တို့ကို ဘုရားရှင် ဆိုဆုံးမတော်မူ
သည့်အတိုင်း ရှုမြင်ပြီးနောက် ယင်းကဲ့သို့သော စတုတ္ထဈာန်နှင့် ယှဉ်နေသည့်
ဥပေက္ခာကိုသာလျှင် ပွားများပြီး နေထိုင်တယ်။ ဤမျှတွင်လားဆိုလျှင် မက
သေးဘူး။ ရူပါဝစရစတုတ္ထဈာန်ကို အခြေခံ၍ အရူပဈာန်တွေကိုလည်း ဆက်
လက်ကာ ကြိုးပမ်းပြန်တယ်။ တစ်ဖန် ပထ၀ီကသိုဏ်းစသည့် ကသိုဏ်း-
တို့ကို အာရုံပြု၍ ဖြစ်ပေါ်လာကြသော ယင်းဈာန်သမာပတ် (၈)ပါးတို့ကို
(၁၄)မျိုးသော အခြင်းအရာတို့ဖြင့် ကြိတ်ခြေပြီးနောက် (၀ိသုဒ္ဓိ၊၂၊၂-၄။) ---
၁။ ပုဗ္ဗေနိဝါသာနုဿ တိအဘိညာဏ် = ရှေ့၌ နေခဲ့ဖူးသည့်ခန္ဓာအစဉ်ကို
အစဉ်လျှောက်ကာ အောက်မေ့နိုင်သည့် အဘိညာဏ်၊
၂။ ဒိဗ္ဗစက္ခုအဘိညာဏ် = နတ်မျက်စိကဲ့သို့သော အနီးအဝေး ရှိသမျှ
အလုံးစုံကို သိမြင်နိုင်သော အဘိညာဏ်၊
၃။ အာသ၀က္ခယဉာဏ် = ကိလေသာအာသဝေါတရားတို့ကို ကုန်ခန်းစေ
တတ်သည့် အရဟတ္တမဂ်ဉာဏ် အရဟတ္တဖိုလ်ဉာဏ် ---
☆ ဤ၀ိဇ္ဇာသုံးပါးတို့ကိုရှိအောင် ဆက်လက် ကြိုးပမ်းပြန်တယ်။ ယင်းကဲ့-
သို့သော ကိလေသာအာသဝေါတရားများ ကင်းစင်နေသည့် ရဟန္တာသခင်
အရှင်မြတ်ကိုသာလျှင် ‘လူ’ဟု, ‘သူကြွယ်’ဟု ခေါ်ဝေါ်သုံးစွဲမှု မပြုတော့ဘဲ
မြတ်စွာဘုရား၏ အဆုံးအမသာသနာတော်၌ ဤဆိုခဲ့ပြီးသည့် အရဟတ္တဖိုလ်
တိုင်အောင်သော ကျင့်စဉ်နည်းလမ်း အတိုင်းအရှည်ဖြင့်သာလျှင် အခါခပ်
သိမ်း လုံးဝဥဿုံ လူဟူသော ခေါ်ဝေါ်သုံးစွဲမှု အသုံးအနှုန်း ပြတ်ခြင်းသည်
ဖြစ်ပေတယ် ---ဟု ပေါတလိယသူကြွယ်အား ဘုရားရှင်က မိန့်ကြားတော်မူ
လိုက်ပေသည်။
☆ ဘုရားရှင်သည် ဤသာသနာတော်မြတ်ကြီးတည်းဟူသော စံအိမ်ကြီးကို
အရဟတ္တဖိုလ် နိဗ္ဗာန်ကို အထွတ်တပ်လျက် တည်ထောင်ထားတော်မူခဲ့၏။
ထိုအရဟတ္တဖိုလ် နိဗ္ဗာန်ကို မျက်မှောက်ပြုနိုင်ရေးအတွက် ရှေးဦးစွာ လိုအပ်
ချက်တစ်ခုသည်ကား ကာမဂုဏ်တို့ကို စွန့်လွှတ်နိုင်ခြင်းပင် ဖြစ်၏။ ကာမ
ဂုဏ် အနှောင်အဖွဲ့တို့ကို စွန့်လွှတ်ပြီးနောက်တွင်ကား သီလ, သမာဓိ, ပညာ
သိက္ခာသုံးရပ် အကျင့်မြတ်ဖြင့် သိမ်းကျုံးရေတွက်အပ်သည့် မဂ္ဂင် (၈)ပါး ကျင့်
စဉ် တရားတို့ကို စနစ်တကျ ပြည့်ပြည့်စုံစုံ ကျင့်ကြံကြိုးကုတ် ပွားများအားထုတ်
ရမည် ဖြစ်ပေသည်။
☆ Buddhavasa Tiloka ☆
☆ Buddhavasa Tiloka ☆
