ဆရာတော်အရှင်သူမြတ်ဘုရား
တပည့်တော်၏ ဇနီးမှာ တပည့်တော်က စားဝတ်နေမှု ဖူလုံအောင် ရှာဖွေပေးနိုင်ပါ လျက် နတ်ကတော် အလုပ်ကို လုပ်ကိုင်လျက် ရှိပါသည်။ "ဘာကြောင့် ဒီအလုပ်ကို လုပ်နေရသလဲ"ဟု မေးမြန်းသည့် အခါတွင် "ဘ၀ကံအကြောင်းတရားပေါ့" ဟု ဖြေပါ သည်။
အတင်းအကြပ် မပြောလိုသဖြင့် "သူတစ်ပါး အပေါ်လိမ်လည် လှည့်ဖျား၍ မစားရန်နှင့် ဆင်းရဲသားများအပေါ် ညှာတာရန်သာ" ဆုံးမမှု ပေးနိုင်ပါသည်။ ၎င်းအလုပ်သည် အကုသိုလ် ဖြစ်စေ၍ အပါယ်ငရဲသ်ို့ ကျနိုင်ပါသလားဘုရား။ မလုပ်အပ်သော အလုပ် ဖြစ်ပါသလားဘုရား။ ဖြေကြားပေးတော်မူပါရန် တောင်းပန်ပါသည်ဘုရား။
ဦးခင်မောင်စိုး ၊ တောင်ဥက္ကလာပ။
✒✒✒✒✒✒✒✒✒✒✒✒✒✒
နတ်ကတော် အလုပ်သည် မြတ်စွာဘုရား လက်ထက်ကပင် ရှိပါသည်။ နတ်ပူးဝင်လေ့ ရှိသော မိန်းမကို "၀ရုဏီ"ဟု ခေါ်သည်။ ဗြဟ္မဇာလသုတ်တွင် ကုမာရိပဉှာ ခေါ် မိန်း ကလေးတို့ ကိုယ်တွင်းသို့ နတ်ကို ပူးဝင်စေ၍ မေးမြန်းသော အတတ်တစ်မျိုးရှိကြောင်း ဆို ပါသည်။(ဒီ၊ ဋ္ဌ၊ ၁ ၉၁)။
သို့သော် နတ်ကောင်းနတ်မြတ်များ ၀င်လာလေ့မရှိ၊ နတ်ညံ့များသာ ၀င်လေ့ရှိကြောင်း ၊ နတ်ကတော် တို့ကလည်း နတ်မ၀င်သော်လည်း နတ်ဝင်ဟန် ပြုလေ့ရှိကြောင်း ဆိုပါ သည်။
သံယုတ္တနိကာယ် နိဒါန၀ဂ္ဂ အဋ္ဌကထာတွင် "ဤမည်သော ၊ ဤမည်သော ပူဇော်မှုကို ပြုလျှင် သင်တို့အား ဤသို့ ဤသို့ ကြီးပွား ချမ်းသာခြင်း ဖြစ်လတ္တံ့"ဟု လူအပေါင်းကို လှည့်ပတ်၍ ပန်းနံ့သာ စသည်ကို ယူကာ မဟုတ်မမှန်သည်ကို သိစေ၊ ကြားစေ၍ လိမ်လည်ခဲ့သဖြင့် အရုပ်ဆိုး၊ အနံ့မကောင်း၊ ကြောက်မက်ဖွယ်ရာ ပြိတ္တာဖြစ်တတ်ကြောင်း ဆိုပါသည်။ (သံ ၊ဋ္ဌ ၊၂ ၂၀၄)။
ထို့ကြောင့် နတ်ကတော် အလုပ်မှာ မှန်ကန်မှု နည်းပါး လည်ဆည်မှု များပြား၍ အပါယ်ငရဲနှင့် နီးစပ်နေသဖြင့် အထူးသတိထား၍ လုပ်သင့်သော အလုပ်ဖြစ်ကြောင်း သတိပေးလိုပါသည်။ ။
ရဝေထွန်း (ဆရာတော်ဦးတိလောကသာရ)
ဘာသာရေးပြဿနာများ 📙စာအုပ်မှ ကူးယူ၍ ဓမ္မဒါန ပြုပါသည်။
